La rentrée

Des nouvelles de Jean-Pierre Lefebvre, journal La Voix du Nord du dimanche 9 septembre 2012.

C'est l'rintrée

In rattaque. Finies les vaquinces !

Du que j'sus parti y feuseut inne caleur d'ours.

Et l'é d'la mer al n'éteut pos fort queute. Heureusemint j'ai un comarate qui a fait bâtir dins l'coin inne belle mason aveuc inne piscine super. Mint'nint qu'in est arv'nu y'a fallu rinfiler un pull. Quind vos lirez m'n'artique, diminche, d'après l'météo y'ara un bé soleu.

Les grillartes, les merguez, les saucisses çà va y aller tint veux-tu in v'là. R'marquez aveuc un tiot rosé bin frais c'est un vrai plaisi.

Pindint les vaquinces j'ai mingé dins un tiot resto sinsass : bocop d'pichons, d'moules très frais. L'seul truc qui n'alleut pos c'est qu'in'n' poveut avoir qu'des frites surgelées.

Les frites fraîches du Nord çà m'a minqué. Ah ouais, je n'vos ai pos donné des nouvelles d'min tiot quien, Guss. Y'est dev'nu extra : obéissint, gintil, amitieux. Un amour de tiot quien. A s'monne prochinne.

-----------------------------