La Voix du Nord de dimanche 13 Mars 2016

" Quind in éteut tiots in nous raconteut à l'école, des histoires. Je m'souviés de celle d'inne maguette appelée chèvre de Monsieur Seguin. C'éteut inne maguette blinque qui, pou définne sin Maîte, Monsieur Seguin aveut livré bataille aveuc un leu qui areut bé volu l'minger. Ah qu'elle était jolie la petite chèvre de Monsieur Seguin. Après avoir bataillé tout l'nuit al aveut fini par morir, croquée par l'méchint leu. Quind not'maît'd'école y nous raconteut çà y n'd'aveut qui brayeutent dins l'classe. J'creux qu'not'instit y'areut miux fait d'nos parler d'histoires moins tristes. Peuffe blinquette, si courageuse, dévouée pou définne Monsieur Seguin, çà m'fait pinser : Au tiot quien qui après la mort d'sin maîte, v'neut tous les jours au cimetière s'allonger su s'tombe. Comme quo, les bertes. Et l'tiot quien perdu à quarinte kilomètes de s'mason qui a r'trouvé ses maîtes malgré ses coussinets d'pattes usés. Alors quind in veu toutes les misères qu'certinnes personnes font à nos bertes y'a d'quo s'mette in colère. "