Trucmuch'

In jue au trucmuch'

A Crogilles, comme pertout, in jue au Trucmuch'. Et in intind d'ché réflexions !

Ech méthodiqu' y dit : "Mi, pour trover ché tros dessins qui sont camoflés, j'comminch' dins ch'coin in haut à gauch', et pis j'ravise ed gauche à drote comme si qu'ech'lisot." In aut' y ajout' : "Mi, ch'fais à peu près parel à part qu'ech ravise d'in haut in bos comme y font chez chinos quind y lisent." V'lo cor cho qu'on peut intind.

Ech vantard : "Bo, ch'est poent dur ! Mi, j'ai trouvé avant d'avoir ouvert el'gazette."

Ech défaitist' : "Ché po cor el fos chi qu'es vos gagner ! Aujoud'hui, j'ai trové deux dessins et n'arrive poent à trover ech' trozième."

Ech râleux : " Cha y est, y z'ont mis deux dessins. Y z'ont oublié d'mett' ech trozième ! Ech vos leur écrire, mi, à la Vos d'ech' Nord !"

Ech grand-père : "Qui ché qui a prind mes leunettes ?  Ech vos poent clair pour faire ech trucmuch'."

Ech tiot qui rinte ed l'écol' : "Où qu'al est l'gazette ? et m'dites rin, j'vos trover tout seu."

Ech feignant qui fait même décoper ches vignettes par s'fème : "Dis, min comarate, qué numéros qu' t'as trové aujourd'hui ?"

Ech' tchien couché d'sous l'table, sin musiau sur ses pattes (y n'parle poent, mais y pinse si fort qu'on l'intind) : "Y ont t'y bétôt fini avec leu trucmuch'. J'ai fam ! Y vont-y bétôt rimplir m'gamel' ?"

texte écrit par Georges Ratel

pour La Voix du Nord.