C'est la rentrée

Des nouvelles de Jean-Pierre LEFEBVRE...

C'est la rintrée

Les vaquinces, c'est fini. Mi, j'ai déquindu dins l'Midi. J'n'ai pos eu du trop bé timps : bocop d'vint, l'é d'la mer freute. Heureusemint qu'y aveut les comarates pou juer à l'pétinque et boire un tiot quinnon. Infin, quind in  veut tout l'pleuffe qu'al est quéhue dins l'Nord, y n'feut pos trop s'plonne. Sins parler d'tous les gins, les infints, qui sont armeurés à leus masons parce qu'y n'aveutent ois l'moïen d'louer queute quose pou les vaquinces;

Cà y est : j'ai un nouvé tioy quien, Gus qu'y s'appelle : c'est inne tiote crapule, assez voleur. Y feut bé serrer les cahières conte les tapes. Sinon, hop, y seute su l'cahière et hop, su l'tape du qu'y fout l'bazar. Y est fort amitieux et surtout très preupe. C'est min nouvé comarate, min si j'ai toudis gros couair in pinsint à min prinmier kien Ringo. Allez, j'souhaite à ceux qui ouaiv'tent inne bonne rintrée et à bétôt.

Journal La Voix du Nord du dimanche 4 septembre 2011.